ཁྲིམས་གླེང་།

ཉེས་དོན་གོང་གཏུག་ཅེས་པ་ནི་ཁྲིམས་ཁང་ཐོག་མའི་ཁྲིམས་བཅད་ལ་གྱོད་ཡ་མ་འཐད་པར་དེའི་ཁྲིམས་ཁང་གོང་མས་ཁྲིམས་བཤེར་བྱེད་པར་ཞུ་གཏུག་བྱེད་པའི་ལམ་ལུགས་ཤིག་ལ་ཟེར། གལ་ཏེ། ཁྲིམས་ཁང་ཐོག་མའམ་དང་བོས་གྱོད་ཡ་གང་ཞིག་ཉེས་ཅན་ཡིན་པའམ་གྱོད་ཡར་མི་ཕན་པའི་ཁྲིམས་བཅད་སོགས་བྱས་ཚེ། གྱོད་ཡ་དང་དེའི་ཁྲིམས་ཀྱི་ཚབ་གཉེར་བས་དུས་ངེས་ཅན་ཞིག་གི་ནང་དུ་ཐོག་མའི་ཁྲིམས་ཁང་གི་ཁྲིམས་ཁང་གོང་མ་དེ་ལ་གོང་གཏུག་ཞུ་ཆོག ཉེས་དོན་གཏུག་བཤེར་གྱི་ཁྲིམས་ཀྱི་བཅས་པ་ལྟར་ན། གྱོད་ཡས་ཡིག་ངག་གང་རུང་གི་ཐོག་ནས་གོང་གཏུག་ཞུ་བའི་ཐོབ་ཐང་ཡོད། དཔེར་ན། གཞི་རིམ་མམ་རྫོང་རིམ་པའི་ཁྲིམས་ཁང་གིས་གྱོད་ཡར་ཉེས་ལྡན་གྱི་ཁྲིམས་ཆད་བཅད་ཚེ། གལ་ཏེ་གྱོད་ཡ་དེས་ཁྲིམས་བཅད་དྲང་བདེན་མིན་པར་སྙམ་ན་ཁུལ་རིམ་པའི་འབྲིང་རིམ་ཁྲིམས་ཁང་ལ་གོང་གཏུག་བྱས་ཏེ་ཞུ་སྦྱོར་བྱེད་པ་ལྟ་བུ།

ཡུལ་ཤུལ་འབྲིང་རིམ་མི་དམངས་ཁྲིམས་ཁང་གིས་བཀྲ་ཤིས་དབང་ཕྱུག་ལ་ལོ་ལྔ་ཡི་བཙོན་འཇུག་གི་ཉེས་ཆད་བཅད་པ་དེ་ལ་བཀྲ་ཤིས་དབང་ཕྱུག་གིས་གོང་གཏུག་ཞུ་དགོས། ཉེས་དོན་གཏུག་བཤེར་གྱི་ཁྲིམས་ཀྱི་གཏན་འཁེལ་ལྟར་ན། བཀྲ་ཤིས་དབང་ཕྱུག་དང་ཁོང་གི་དག་སེལ་ཁྲིམས་རྩོད་པ་སོགས་ཀྱིས་ཁྲིམས་བཤེར་ཐོག་མའི་བཅད་ཁྲ་ལག་ཏུ་སོན་པའི་ཉིན་བཅུ་ཡི་ནང་ཚུན་མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་ལ་གོང་གཏུག་བྱེད་པའི་ཐོབ་ཐང་ཡོད།

ཡུལ་ཤུལ་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་གིས་བཀྲ་ཤིས་དབང་ཕྱུག་ལ་ལོ་ལྔ་ཡི་བཙོན་འཇུག་གི་ཉེས་ཆད་བཅད། ཁྲིམས་ཁང་གི་བཅད་ཁྲ་འདི་ནི་ཁྲིམས་དངོས་གཞི་དང་ཁྲིམས་བརྒྱུད་རིམ་གང་གི་ཐད་ནས་བལྟས་ནའང་དྲང་བདེན་མིན། ཉེས་ཁྲིམས་ནང་གི་རྒྱལ་ཁབ་ཁ་བྲལ་ལ་སྐུལ་སློང་བྱས་པའི་ནག་ཉེས་ཤིག་ཡིན་དགོས་ཚེ། ཉེས་པ་བསྐྱེད་པའི་ཡན་ལག་བཞི་ངེས་པར་དུ་ཚང་དགོས། དེ་ནི་སྦྱོར་བ་བོ་ནི་རང་ལོ་༡༦་ལ་སོན་པའི་གང་ཟག་ཡིན་པ་གང་ཞིག་སེམས་རང་བཞིན་དུ་གནས་པ། རྒྱལ་ཁབ་ཁ་ཕྲལ་བར་བྱེད་པའི་ཆེད་དུ་ཡིག་ངག་གང་རུང་གིས་སྒོ་ནས་གཞན་ལ་ངན་སྐུལ་བྱས་པའི་སྦྱོར་བ་དངོས་སུ་ལྡན་པ། བསམ་པ་དང་ཀུན་སློང་ནི་ཤེས་བཞིན་དུ་རྒྱལ་ཁབ་ཁ་ཕྲལ་བར་མངོན་ཞིང་འདོད་པ། མཐར་ཐུག་སྦྱོར་བ་བོས་རྒྱལ་ཁབ་ཁ་བྲལ་ལ་ངན་སྐུལ་གྱི་སྦྱོར་བ་ལས་གནོད་འཚེ་ཐེབས་པ་བཅས་་ཡན་ལག་འདི་བཞི་ངེས་པར་དུ་ཚང་དགོས། ཡན་ལག་གང་རུང་མ་ཚང་ན་ཉེས་པ་འདི་མི་བསྐྱེད་པ་ཉེས་ཁྲིམས་ཀྱི་དོན་ཙན་༡༠༣་ཡི་ཚན་པ་༢་ཡི་ནང་དུ་གསལ་ཡོད།

རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ལ་ཞུ་རྒྱུར།

༢༠༡༢ ལོའི་ཟླ་༡༢་པའི་ཚེས་༢༨་ཉིན། སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱིས་རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་སློབ་གསོ་སྲོལ་ཡིག་གཏན་འབེབས་བྱས་ཤིང་། ཁྲིམས་བཟོ་ཡི་བརྒྱུད་རིམ་ལྟར་༢༠༡༣་ལོའི་ཟླ་༤་པའི་ཚེས་༢་ཉིན་སི་ཁྲོན་ཞིང་ཆེན་དམངས་ཆེན་རྒྱུན་ལས་ལྷན་ཁང་གིས་སྲོལ་ཡིག་དེ་ལ་ཆོག་མཆན་བཀོད་ཅིང་། ༢༠༡༣་ལོའི་ཟླ་༦་པའི་ཚེས་༡་ནས་བཟུང་སྟེ་ལག་བསྟར་བྱས་ཡོད་མོད། ང་ཚོའི་བསམ་ཚུལ་ལྟར་ན་རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་སློབ་གསོའི་སྲོལ་ཡིག་གི་དོན་ཚན་༥་པའི་གཏན་འཁེལ་དེ་རྩ་ཁྲིམས་དང་འོས་འགན་སློབ་གསོའི་ཁྲིམས་སོགས་དང་འགལ་ཟླ་ཆགས་ཡོད་པར་འདོད། དེའི་རྒྱུ་མཚན་གྱིས་ང་ཚོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཁྲིམས་བཟོའི་ཁྲིམས་ཀྱི་དོན་ཚན་༩༧་གྱི་ཚན་པ་༢་པའི་ནང་དུ། རྒྱལ་ཡོངས་དམངས་ཆེན་རྒྱུན་ལས་ལྷན་ཁང་ལ་རྩ་ཁྲིམས་དང་ཁྲིམས་ལུགས་ལ་རྒྱབ་འགལ་གྱི་བཅས་པ་ཡོད་པའི་ས་གནས་ཁྲིམས་སྲོལ་དང་རང་སྐྱོང་སྲོལ་ཡིག་དང་དམིགས་བསལ་སྲོག་ཡིག་སོགས་ཕྱིར་འཐེན་ནུས་མེད་དུ་གཏོང་བའི་དབང་ཐང་ཡོད་པ་དང་། ཞིང་ཆེན་དང་རང་སྐྱོང་ལྗོངས་དང་ཐད་གཏོགས་གྲོང་ཁྱེར་གྱི་

ཉེ་ཆར་ཞིབ་འཇུག་པ་བཀྲ་ལོ་ཟེར་བས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ལྷན་ཚོགས་ཀྱི་སྟེང་དུ་བོད་རང་སྐྱོང་ལྗོངས་ན་རོང་འབྲོག་མང་ཚོགས་ཀྱིས་བཀོལ་སྤྱོད་བྱེད་བཞིན་པའི་སྤྱི་སྤྱོད་སྐད་ཡིག་ནི་བོད་སྐད་ཡིག་ཡིན་ཞེས་བསྒྲགས་ནས་དེ་ནི་རྒྱལ་ཁབ་ཀྱི་བོད་སྐད་ཡིག་ལ་དོ་སྣང་དང་རྒྱབ་སྐྱོར་བྱས་པའི་མཚོན་རྟགས་སུ་དྲངས་ཡོད། གུང་ཁྲན་ཏང་གིས་དབང་བསྒྱུར་བའི་སྔོན་ལ་བོད་སྐད་ཡིག་ནི་རོང་འབྲོག་མང་ཚོགས་ཀྱི་སྤྱི་སྤྱོད་སྐད་ཡིག་མིན་ན་ཅི་རེད། དེ་འདྲའི་ཁུངས་ལུངས་མེད་པའི་ཁ་ཕོ་ལ་ངོ་མི་ཚ་བ་ནི་དེང་གི་ཞིབ་འཇུག་པར་ཁས་འཆའ་བའི་མི་མང་ཤོས་ཀྱི་

ཉེ་ཆར་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་ནག་གཤེད་སྟོབས་ཤུགས་(黑恶势力)གཙང་སེལ་གྱི་ཁྱབ་བསྒྲགས་ཞིག་སྤེལ་བའི་རྗེས་སུ། བོད་ལྗོངས་སྤྱི་བདེ་ལས་ཁུངས་ཀྱིས་ཁྲིམས་ལུགས་ཀྱི་རྒྱབ་རྩ་ཡོད་མེད་ལ་མ་ལྟོས་པར་དེ་འབྲེལ་གྱི་བརྡ་ཁྱབ་ཅིག་འཕྲལ་དུ་སྤེལ་ནས་བོད་ཀྱི་ཁོར་ཡུག་དང་སྐད་ཡིག་སྲུང་སྐྱོབ་སོགས་ཀྱི་དམངས་ཁྲོད་ལས་འགུལ་བ་དང་ཚོགས་པ་སོགས་ལའང་ནག་གཤེད་ལོག་སྤྱོད་ཀྱི་ཕྱོགས་སུ་བཞག་སྟེ་དེ་དག་ཐེར་འདོན་བྱེད་དགོས་ཞེས་འབོད་སྐུལ་བྱས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ནག་གཤེད་འབྲེལ་ཐོགས་་ཡིག་ཆ་ལྟར་ན། ནག་གཤེད་སྟོབས་ཤུགས་དེ་དམངས་ཁྲོད་དཀྱུས་མ་ན་མེད་པ་མ་ཟད། དེ་སྦས་ཡུལ་སྤྱི་བདེ་ལས་ཁུངས་དང་ཁྲིམས་འཛིན་ལས་ཁུངས་སོགས་ན་ཡོད་ཅེས་གཏན་འཁེལ་གསལ་བོ་བྱས་ཡོད་པ་ཤེས་ཐུབ། གང་ཟག་དང་ཚོགས་པ་སྐྱིད་སྡུག་དཀྱུས་མ་ཞིག་གིས་ནག་ཉེས་དང་ཁྲིམས་འགལ་གྱི་བྱ་བ་ལས་ན་དེ་

ཁྲིམས་རྩོད་པ་ལིན་ཆི་ལེ་ནས།

[video width=”480” height=”480” mp4=”http://trimleng.org/wp-content/uploads/2018/04/VID-20180406-WA0006.mp4” id=”1953” controls=”true”][/video]