སྦྲག་སྲིད་ཁང་གིས་བོད་ཡིག་གི་དཔེ་དེབ་བཀག་ན་མི་ཆོག་པའི་རྒྱུ་མཚན། (སྒྲ།)
ཉེ་བའི་ཆར་གསེར་རྟ་རྫོང་ནས་གོ་བའི་གནས་ཚུལ་ཞིག་ལ། རྫོང་དེའི་སྦྲག་སྲིད་ཁང་གིས་བོད་ཡིག་གི་དཔེ་དེབ་བསྐུར་བ་ལ་བཀག་སྡོམ་བྱས་ཏེ། བོད་ཡིག་དཔེ་ཁང་གི་ཚོང་དོན་སོགས་ལ་བར་ཆད་བྱས་སོང་ཟེར། སྤྱིར་ད་ལྟའི་སྐབས་ནི་བོད་ཀྱི་སྐད་ཡིག་ལ་སློབ་གྲྭ་དང་ལས་རིགས་གང་རུང་གི་ཐད་ནས་བཀག་སྡོམ་དང་བར་ཆད་སྣ་ཚོགས་བྱེད་བཞིན་པའི་དུས་ངན་ཞིག་ལ་ཡང་བསྐྱར་སླེབས་པ་མཐོང་ཆོས་སུ་གྱུར་ནའང་། ང་ཚོས་མཐོང་ཆོས་འདི་རིགས་སྣང་མེད་དུ་བཏང་ནས་མ་མཐོང་མ་གོ་ཁུལ་མི་བྱ་བར། བོད་སྐད་ཡིག་གི་ཁྲིམས་མཐུན་གྱི་ཐོབ་ཐང་དང་བོད་མི་རིགས་ཀྱི་བོད་སྐད་ཡིག་བཀོལ་སྤྱོད་ཀྱི་ཐོབ་ཐང་དང་རང་དབང་ལ་མི་རེ་རེ་ཡིས་གང་ནུས་ཅི་ཐུབ་ཀྱིས་བརྩོན་ལེན་དང་སྲུང་སྐྱོབ་བྱ་དགོས།
སྲང་ལམ་གྱི་ལམ་རྟགས་སོགས་ཀྱི་སྟེང་དུ་བོད་ཡིག་འཇོག་དགོས་པའི་ཁྲིམས་ལུགས་སྐོར།
རྩྭ་ཕྱུགས་དོ་མཉམ་སྐོར་གྱི་གཏམ་བཤད།
ཟི་ལིང་གྲོང་ཁྱེར་དུ་བོད་ཡིག་སློབ་གྲྭ་ངེས་པར་དུ་མཁོ་བའི་གཏམ་བཤད།
བོད་སྐད་ཡིག་དང་རྒྱལ་ཁབ་སྤྱི་སྤྱོད་སྐད་ཡིག་གི་འབྲེལ་བ། (སྒྲ)
སྒོ་ཤེས་རབ་རྒྱ་མཚོ་ཡི་ཆེད་དུ་བྲིས་པའི་དམངས་ཁྲོད་དག་སེལ་ཡི་གེ
སློབ་གསོ་པུའུ་ཡི་ཁྲིམས་འགལ་གྱི་བརྡ་སྦྱོར་ལ་དམིགས་ཏེ་བྲིས་པའི་དགག་ཡིག་ཅིག
དྲ་རྩོམ་འདིའི་བརྗོད་བྱ་ཉིད་འདུས་ནི། སློབ་གསོ་པུའུ་ཡིས་ཉེ་ཆར་གྲངས་ཉུང་མི་རིགས་ས་ཁུལ་གྱི་བྱིས་སྐྱོང་ཁང་དུ་བྱིས་པ་རྣམས་ལ་གཉོར་སྐྱོང་དང་སློབ་གསོ་གཏོང་སྐབས་ངེས་པར་དུ་རྒྱའི་སྐད་ཡིག་བཀོལ་སྤྱོད་བྱེད་དགོས་ཞེས་པའི་བརྡ་སྦྱོར་ཞིག་སྤེལ་ཡོད་པ་དེ་བོད་རིགས་འདུས་པའི་གྲངས་ཉུང་མི་རིགས་རྣམས་ཀྱི་སྐད་ཡིག་ཐོབ་ཐང་དང་རྒྱལ་ཁབ་ཀྱི་ཁྲིམས་ལ་ཇི་ལྟར་འགལ་ཡོད་པ་འགྲེལ་བརྗོད་བྱས་ཏེ། དེང་སྐབས་བློ་འཚབ་སྐྱེས་དགོས་པའི་སྐད་ཡིག་སྲིད་ཇུས་རབ་དང་རིམ་པ་སྤེལ་བཞིན་པའི་སྐབས་འདིར། ང་ཚོས་ཇི་ཞིག་བྱུང་བཞིན་པ་དང་། དེས་ང་ཚོར་ཕན་གནོད་གང་ཞིག་བསྐྱེད་པ་ལ་ངེས་ཟིན་གསལ་བོ་ཡོད་དགོས་པ་མ་ཟད། གནད་དོན་ལ་གདོང་ལེན་དང་ཐག་གཅོད་ཀྱི་ལམ་ག་དང་ལས་དོན་གང་གང་ང་ཚོས་བསྒྲུབ་དགོས་པ་བཅས་ལ་ངེས་ཤིང་ཤེས་བ་དེ་ཡང་གལ་ཆེ། འདིའི་སྐོར་ལ་ངས་མུ་མཐུད་དུ་བགྲོ་གླེང་དང་རྒྱུ་ཆ་གཞན་སྤེལ་ངེས་ཡིན།
དེང་རབས་རང་རིགས་གཞོན་ནུའི་ཁྲོད་ཀྱི་ཤ་ར་བྷ།
མི་རིགས་འདྲ་མཉམ་དང་གྲངས་ཉུང་མི་རིགས་ཀྱི་སྐད་ཡིག་བཀོལ་སྤྱོད་དང་དར་སྤེལ་སྐོར།
རྩོམ་པ་པོ། མན་ཇུ་མི་རིགས་ཀྱི་བུ་མོ་ཞིག་གི་དྲ་རྩོམ་ལས་བཏུས།
སྲིད་གཞུང་གི་ལས་བྱེད་པས་བོད་སྐད་ཡིག་སློབ་སྦྱོང་བྱེད་དགོས་པའི་སྐོར་གྱི་ཁྲིམས་ཡིག་དང་གཙོ་འཛིན་གྱི་ལམ་སྟོན།
མི་རིགས་ས་གནས་རང་སྐྱོང་ཁྲིམས་ཀྱི་དོན་ཚན་ཞེ་དགུ་བའི་ནང་མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་མི་རིགས་ཁག་གི་ལས་བྱེད་པ་རྣམས་ལ་ཕན་ཚུན་སྐད་ཡིག་སློབ་སྦྱོང་བྱེད་རེས་བྱ་རྒྱུའི་སློབ་གསོ་གཏོང་རྒྱུ་དང་བསྔགས་བསྐུལ་བྱ་རྒྱུ། རྒྱ་རིགས་ལས་བྱེད་པས་ས་གནས་དེ་གའི་གྲངས་ཉུང་མི་རིགས་ཀྱི་སྐད་ཡིག་སྦྱང་དགོས་ལ། གྲངས་ཉུང་མི་རིགས་ཀྱི་ལས་བྱེད་པས་རང་ཉིད་མི་རིགས་ཀྱི་སྐད་ཡིག་སྦྱང་བ་དང་བེད་སྤྱོད་དགོས་པ་དང་འབྲེལ་རྒྱལ་ཡོངས་སུ་སྤྱི་ཁྱབ་ཏུ་སྤྱོད་པའི་རྒྱ་སྐད་དང་རྒྱ་ཡིག་ཚད་ལྡན་ཅན་ཡང་སྦྱང་དགོས་ཤིང་མི་རིགས་རང་སྐྱོང་ས་གནས་ཀྱི་རྒྱལ་ཁབ་གཞུང་གི་ལས་བྱེད་པའི་གྲས་ནས་ས་གནས་དེ་གར་སྤྱི་ཁྱབ་ཏུ་སྤྱོད་པའི་
བོད་སྐད་ཡིག་སློབ་སྦྱོང་དང་། བེད་སྤྱོད། གོང་འཕེལ་བཅས་གཏོང་རྒྱུའི་སྐོར་གྱི་བོད་རང་སྐྱོང་ལྗོངས་ཀྱི་གཏན་འབེབས། ༼འཕར་བཅོས་གསར་བ།༽
（1987ལོའི་ཟླ་7ཚེས་9ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཞི་པའི་ཚོགས་འདུ་ཐེངས་ལྔ་པའི་ཐོག་གྲོས་འཆམ་བྱུང་བ། 2002ལོའི་ཟླ་5ཚེས་22ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བདུན་པའི་ཚོགས་འདུ་ཐེངས་ལྔ་པའི་ཐོག་བཟོ་བཅོས་བྱས། 2019ལོའི་ཟླ་7ཚེས་31ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་ཉེར་གཉིས་པའི་ཐོག་དག་བཅོས་བྱས） དོན་ཚན་དང་པོ། བོད་སྐད་ཡིག་ནི་རང་སྐྱོང་ལྗོངས་ཀྱི་སྤྱི་སྤྱོད་སྐད་ཡིག་ཡིན་ཞིང་། བོད་སྐད་ཡིག་སློབ་སྦྱོང་དང་། བེད་སྤྱོད། གོང་འཕེལ་བཅས་གཏོང་རྒྱུར་འགན་སྲུང་བྱེད་ཆེད《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་ཁོངས་རང་སྐྱོང་བཅའ་ཁྲིམས》 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁབ་སྤྱི་སྤྱོད་སྐད་ཡིག་བཅའ་ཁྲིམས》བཅས་ཀྱི་འབྲེལ་ཡོད་གཏན་འབེབས་གཞིར་བཟུང་། རང་སྐྱོང་ལྗོངས་ཀྱི་དོན་དངོས་དང་ཟུང་འབྲེལ་གྱིས་གཏན་འབེབས་འདི་ཉིད་བཟོས་པ་ཡིན།
མགོ་ལོག་བོད་རིགས་རང་སྐྱོང་ཁུལ་གྱི་ཡིག་རྨོངས་སེལ་བའི་བྱ་བའི་སྲོལ་ཡིག
རྒྱལ་ཁབ་ཀྱི་གྲངས་ཉུང་མི་རིགས་སྐད་ཡིག་ཐད་ཀྱི་རྩ་བའི་སྲིད་བྱུས།
ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ།
གྲངས་ཉུང་མི་རིགས་སྤྱི་དམངས་ཀྱིས་རང་མི་རིགས་ཀྱི་སྐད་ཡིག་བཀོལ་སྤྱོད་བྱས་ཏེ་གཏུག་བཤེར་བྱེད་ཆོག་པའི་ཁྲིམས་ལུགས་ཀྱི་གཞི་འཛིན་ས་ནི་ཅི་ཞིག་ཡིན་ཞེ་ན།
རྩ་ཁྲིམས་ཀྱི་དོན་ཚན་༡༣༤་བ་ལས། རིགས་སོ་སོའི་སྤྱི་དམངས་ལ་རང་གི་སྐད་ཡིག་བཀོལ་སྤྱོད་བྱས་ཏེ་གཏུག་བཤེར་བྱེད་པའི་ཐོབ་ཐང་ཡོད། མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་སྤྱི་སྤྱོད་སྐད་ཡིག་མི་ཤེས་པའི་གཏུག་བཤེར་ཞུགས་མི་དག་ལ་ངེས་པར་དུ་ལོ་ཙཱ་བའམ་སྐད་སྒྱུརབ་་མཁོ་སྤྲོད་བྱེད་དགོས། གྲངས་ཉུང་མི་རིགས་འདུས་བསྡོད་དང་ཡང་ན་མི་རིགས་མང་པོ་མཉམ་གནས་ཀྱི་ས་ཁུལ་དུ་ངེས་པར་དུ་ས་ཁུལ་དེའི་སྐད་ཡིག་ལ་བརྟེན་ནས་ཁྲིམས་བཤེར་བྱས་ཏེ། ཞིབ་དཔྱོད་གཏུག་ཡིག་དང་། བཅད་ཁྲ་དང་བརྡ་སྦྱོར་ལ་སོགས་པའི་ཁྲིམས་ཡིག་དག་ཀྱང་དངོས་ཡོད་ཀྱི་དགོས་མཁོ་ལ་གཞིགས་ཏེ་ངེས་པར་དུ་ས་གནས་དེ་གའི་སྐད་ཡིག་གཅིག་གམ་དུ་མ་བཀོལ་སྤྱོད་བྱེད་དགོས།
༄༅།། རྔ་བ་བོད་རིགས་ཆའང་རིགས་རང་སྐྱོང་ཁུལ་ཀྱི་བོད་སྐད་ཡིག་སྲོལ་ཡིག་ལ་དག་ཐེར་གྱི་རེ་འདུན།
རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ལྷན་ཁང་ལ།
གྲངས་ཉུང་མི་རིགས་ཀྱི་སྐད་ཡིག་ནི་གྲངས་ཉུང་མི་རིགས་རང་སྐྱོང་ས་ཁུལ་གྱི་སྤྱི་སྤྱོད་སྐད་ཡིག་ཡིན།
རྒྱལ་ཁབ་ཀྱི་སྐད་ཡིག་ཅེས་པ་ནི་རྒྱལ་ཁབ་ཅིག་གི་ཁྲིམས་ཀྱིས་ངོས་ལེན་དང་གཏན་འབེབས་བྱས་པའི་གཞུང་དོན་དང་སློབ་གསོའི་ལས་དོན། ཞབས་ཞུའི་ལས་དོན་སོགས་སྒྲུབ་སྐབས་ངེས་པར་དུ་བཀོལ་སྤྱོད་བྱེད་དགོས་པའི་སྐད་ཡིག་གཅིག་གམ་དུ་མ་ལ་གོ་དགོས། དེང་སྐབས་མི་མང་པོས་རྒྱའི་ཕལ་སྨྲས་སྐད་(普通话)དང་རྒྱ་ཡིག་ལུགས་གསར་(规范汉字)ཁོ་ན་ནི་རྒྱལ་ཁབ་ཀྱི་སྐད་ཡིག་(国语)ཡིན་པར་ངོས་འཛིན་བྱས་ཏེ་རྒྱའི་སྐད་ཡིག་གཙོ་བོ་དང་མི་རིགས་གཞན་གྱི་སྐད་ཡིག་ཕལ་བ་ཡིན་པའི་ལྟ་བ་
《དཀར་མཛེས་བོད་རིགས་རང་སྐྱོང་ཁུལ་བོད་ཀྱི་སྐད་ཡིག་ཁྲིམས་སྲོལ》ཟླ༦པའི་ཚེས༡ཉིན་ནས་ལག་བསྟར་བྱ་རྒྱུ།
འོས་འགན་སློབ་གསོ། ( ཁམས་སྐད།)
འོས་འགན་སློབ་གསོ། ( ཨམ་སྐད། )
༢༠༡༠་ནས་༢༠༢༠་ལོའི་མཚོ་སྔོན་ཞིང་ཆེན་གྱི་དུས་ཡུན་འབྲིང་རིང་གི་སློབ་གསོ་བཅོས་བསྒྱུར་དང་འཕེལ་རྒྱས་རྩ་གནད་ཀྱི་བསམ་འཆར།
མཚོ་སྔོན་ཞིང་ཆེན་སློབ་གསོ་ཐིན།
བོད་སྐད་ཡིག་ལ་ཡིད་ཆེས་མི་བྱེད་པའི་མགོ་ལོག་བོད་རིགས་རང་སྐྱོང་ཁུལ་གྱི་སློབ་གསོ་ལས་ཁུངས་ལ་དགག་པ།
ཉེ་ཆར་མགོ་ལོག་བོད་རིགས་རང་སྐྱོང་ཁུལ་སློབ་གསོ་ལས་ཁུངས་ཀྱིས་རྫོང་སློབ་གསོ་ལས་ཁུངས་སོ་སོར་རྒྱ་ཡིག་གི་ཐོག་གཞུང་འབྲེལ་ཡིག་ཆ་ཨང་ ༢༠༡ འཁོད་པའི་བརྡ་ཐོ་ཞིག་བཀྲམ་པ་དེའི་ནང་། ༢༠༡༩་ལོའི་སྟོན་ཁའི་སློབ་དུས་གསར་པ་འགོ་བཙུགས་པ་ནས་བཟུང་མགོ་ལོག་ཁུལ་གྱི་ཁོངས་གཏོགས་རྫོང་དང་ཡུལ་ཚོའི་སོ་སོའི་སློབ་ཆུང་ལོ་རིམ་དང་པོའི་ནང་སློབ་གསོའི་ཐབས་ལམ་རིགས་གཉིས་པ་ཞེས་པ་ལག་བསྟར་བྱ་དགོས་པ་དང་། དེའང་སློབ་གསོའི་ཐབས་ལམ་རིགས་གཉིས་པ་ཞེས་པ་ནི་བོད་ཀྱི་སྐད་ཡིག་གི་སློབ་ཚན་གཅིག་པུ་མ་གཏོགས་སློབ་ཚན་གཞན་ཚང་མ་རྒྱ་ཡིག་ནང་སློབ་ཁྲིད་བྱ་རྒྱུའི་སློབ་གསོའི་ཐབས་ལམ་དེར་གོ་དགོས་ཞེས་བཀོད་འདུག ད་ལྟ་བར་དུ་མགོ་ལོག་ཁུལ་གཙོས་པའི་རྫོིང་ཁག་སོ་སོའི་ནང་གི་སློབ་ཆུང་ཁག་གི་ནང་རྒྱའི་སྐད་ཡིག་གི་སློབ་ཚན་གཅིག་མ་གཏོགས་གཞན་རྩིས་རིག་དང་དབྱིབས་རྩིས། དངོས་ལུགས་དང་ལོ་རྒྱུས་སོགས་བསླབ་གཞི་གཞན་རྣམས་བོད་སྐད་ཡིག་ནང་སློབ་འཁྲིད་བྱེད་ཀྱི་ཡོད་ཅིང་། མགོ་ལོག་སྲིད་གཞུང་གི་སློབ་གསོ་ལས་ཁུངས་ཀྱིས་་ད་ཆ་སློབ་ཚན་ཡོངས་རྫོགས་རྒྱ་ཡིག་ནང་སློབ་ཁྲིད་བྱ་རྒྱུ་འདི་ནི་ཁྲིམས་ལུགས་ཀྱི་ངོས་ཐད་ནས་བཤད་ན་ནོར་འཁྲུལ་ཧ་ཅང་གི་ཆེན་པོ་ཞིག་ཡིན།
མགོ་ལོག་བོད་རིགས་རང་སྐྱོང་ཁུལ་གྱི་བོད་ཀྱི་སྐད་ཡིག་བྱ་བའི་སྲོལ་ཡིག
（༡༩༩༣་ལོའི་ཟླ༤བའི་ཚེས༢༤ཉིན་མགོ་ལོག་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་དགུ་བའི་གྲོས་ཚོགས་ཐེངས་བཞི་བའི་ཐོག་གྲོས་འཆམ་བྱུང་བ་དང་།༡༩༩༣ལོའི་ཟླ༧པའི་ཚེས༡༧ཉིན་མཚོ་སྔོན་ཞིང་ཆེན་མི་དམངས་འཐུས་མི་ཚོགས་ཆེན་སྐབས་བརྒྱད་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཞི་བའི་སྟོང་ཆོག་མཆན་བཀོད་ཅིང་། ༢༠༠༩ལོའི་ཟླ་བའི་ཚེས་༢༣ཉིན་མགོ་ལོག་བོད་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་ལྔ་བའི་སྟེང་བཟོ་བཅོས་བྱས་ནས་གྲོས་འཆམ་བྱུང་བ་དང་། ༢༠༠༩ལོའི་ཟླ༧པའི་ཚེས༣༡་ཉིན་མཚོ་སྔོན་ཞིང་ཆེན་མི་དམངས་འཐུས་མིའི་ཚོགས་ཆེན་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་བའི་སྟེང་ཆོག་མཆན་བཀོད་པ།）
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཀྱི་སྐད་དང་ཡི་གེའི་སྲོལ་ཡིག
རྔ་བ་བོད་རིགས་ཆའང་རིགས་རང་སྐྱོང་ཁུལ་བོད་ཀྱི་སྐད་དང་ཡི་གེའི་སྲོལ་ཡིག ༢༠༡༧ལོའི་ཟླ༡༢པའི་ཚེས༢༩ཉིན་རྔ་བ་བོད་རིགས་ཆའང་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་། ༢༠༡༨ལོའི་ཟླ༧པའི་ཚེས༢༦ཉིན་སི་ཁྲོན་ཞིང་ཆེན་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ལྔ་བའི་ཐོག་ཏུ་ཆོག་མཆན་གནང་།
ལེའུ་དང་བོ། སྤྱིའི་རྩ་དོན།
དོན་ཚན་དང་བོ། བོད་ཀྱི་སྐད་དང་ཡི་གེ་སློབ་སྦྱོང་དང་བཀོལ་སྤྱོད། དོ་དམ། ཞིབ་འཇུག གོང་སྤེལ་བཅས་བྱེད་པར་འགན་སྲུང་དང་སྐུལ་འདེད་གཏོང་བ་དང་། བོད་ཀྱི་སྐད་དང་ཡི་གེ་ཚད་ལྡན་ཅན་དང་ཚད་གཞི་ཅན། ཆ་འཕྲིན་ཅན་འཛུགས་སྐྲུན་ལ་སྐུལ་སྤེལ་གཏོང་བ། ལས་དོན་སོ་སོའི་ཁྲོད་དུ་བོད་ཀྱི་སྐད་དང་ཡི་གེའི་ནུས་པ་འདོན་སྤེལ་བཅས་བྱ་ཆེད།《ཀྲུང་ཧྭ་མི་དམངས་སྤྱི་མཐུན་རྒྱལ་
བོད་སྐད་ཡིག་ལས་དོན་ལྷན་ཁང་གི་ངོ་བོ་དང་འགན་ཁུར།
ཉེ་ཆར་ཡུལ་ཤུལ་བོད་རིགས་རང་སྐྱོང་ཁུལ་སྲིད་གཞུང་གི་བོད་སྐད་ཡིག་ལས་དོན་ལྷན་ཁང་གིས་ཡུལ་ཤུལ་གྱི་བརྡ་ཆད་བཀས་བཅད་བྱས་པའི་ཁྱབ་བསྒྲགས་ཤིག་སྤེལ་བར་བརྟེན། དྲ་ཐོག་ནས་ཁྱབ་བསྒྲགས་དེར་མངོན་པར་བསྟོད་ཆེད་བརྒྱུད་བསྐུར་རབས་དང་རིམ་པ་བྱས་དང་བྱེད་མུས་ཤིག་ཆགས་ཡོད། མི་མང་བོ་ཞིག་གིས་ཡུལ་ཤུལ་གྱི་བོད་སྐད་ཡིག་ལས་དོན་ལྷན་ཁང་གི་བཀས་བཅད་དེ་ཁྲིམས་བཟང་བོ་ཞིག་རེད་ཅེས་ལེགས་གསོལ་དང་བསྔགས་བརྗོད་ཡང་མི་ཉུང་བ་བརྗོད། དེས་ན། ས་གནས་སྲིད་གཞུང་མངའ་ཁོངས་ཀྱི་བོད་སྐད་
རྫུན་བཤད་ནས་མཉམ་འབྲེལ་རྒྱལ་ཚོགས་ལ་ཐོན།
ཉེ་ཆར་ཞིབ་འཇུག་པ་བཀྲ་ལོ་ཟེར་བས
བོད་སྐད་ཡིག་སློབ་སྦྱོང་དང་། བེད་སྤྱོད། གོང་འཕེལ་བཅས་གཏོང་རྒྱུའི་བོད་རང་སྐྱོང་ལྗོངས་ཀྱི་གཏན་འབེབས།
1987ལོའི་ཟླ་7ཚེས་9ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཞི་པའི་ཚོགས་འདུ་ཐེངས་ལྔ་པའི་ཐོག་གྲོས་འཆམ་བྱུང་བ་དང་། 2002ལོའི་ཟླ་5ཚེས་22ཉིན་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་<<བོད་སྐད་ཡིག་སློབ་སྦྱོང་དང་། བེད་སྤྱོད། གོང་འཕེལ་བཅས་གཏོང་རྒྱུའི་བོད་རང་སྐྱོང་ལྗོངས་ཀྱི་གཏན་འབེབས་འགའ་ཞིག་(ཚོད་ལྟའི་ལག་བསྟར)>>ལ་བཟོ་བཅོས་རྒྱག་རྒྱུའི་སྐོར་གྱི་གཏན་འབེབས་གཞིར་བཟུང་དག་བཅོས་བྱས་པ།
གཞུང་ཕྱོགས་ཀྱི་དྲ་ཚིགས་སུ་བོད་ཡིག་ཀྱང་ཡོད་དགོས།
[video width=”1280” height=”380” mp4=”http://trimleng.cn/wp-content/uploads/2018/03/FINAL.PUBLICSITE.WEB_.mp4”][/video]
པདྨ་མ་རྫོང་གི་མཐོ་རིམ་ལས་ཁུངས་དང་འབྲེལ་ཡོད་སྤྱི་སྟེགས་ཁག་ཏུ་བོད་ཡིག་ཆ་ཚང་ཞིག་སྤྱོད་པར་རེ་ཞུའི་ཡི་གེ
རང་རྫོང་གི་མཐོ་རིམ་ལས་ཁུངས་ཁག་
ཆེས་མཐོ་མི་དམངས་ཁྲིམས་ཁང་ལ་བསྐུར་བའི་ཡེ་གེ་ཞིག
བོད་རང་སྐྱོང་ལྗོངས་ཀྱི་བོད་སྐད་ཡིག་གི་ཐོབ་ཐང་ཐད་ཀྱི་གཏན་འབེབས་གསར་རྙིང་གཉི་གའི་ཁྲིམས་ཡིག་ཤན་སྦྱར།
དེང་སང་དྲ་ཐོག་ན་༼བོད་ཡིག་མ་སྦྱངས་ན་ཁྲིམས་འགལ་རེད་༽ཟེར་བའི་རྩོམ་ཞིག་བརྒྱུད་བསྐུར་མང་བོ་བྱེད་བཞིན་འདུག རྩོམ་གྱི་མིང་ནི་དེ་ལྟར་བཏགས་མོད་ཀྱང་རྩོམ་གྱི་བརྗོད་བྱ་ནི་༡༩༨༧་ལོར་བོད་རང་སྐྱོང་ལྗོངས་ཀྱི་སྐབས་བཞི་བའི་མི་དམངས་འཐུས་མི་ཚོགས་ཆེན་སྟེང་དུ་བཟོས་པའི་༼བོད་རང་སྐྱོང་ལྗོངས་ཀྱིས་བོད་སྐད་ཡིག་སློབ་སྦྱོང་དང་བེད་སྤྱོད་དང་འཕེལ་རྒྱས་གཏོང་བའི་གཏན་འབེབས་༽(ཚོད་ལྟ་མ་)་དེ་རྒྱ་ཡིག་ནས་བོད་ཡིག་ལ་བསྒྱུར་བ་ཡིན་པའི་ཁྲིམས་ཡིག་རང་རེད། ༼གཏན་འབེབས་ཚོད་ལྟ་མ་༽དེ་ཡང་༢༠༠༢་ལོར་བོད་རང་སྐྱོང་ལྗོངས་ཀྱི་སྐབས་བདུན་པའི་མི་དམངས་འཐུས་མི་ཚོགས་ཆེན་སྟེང་དུ་བསྐྱར་བཅོས་བྱས་ཏེ། སྔོན་གྱི་༼གཏན་འབེབས་ཚོད་ལྟ་མ་༽དེ་ནུས་མེད་དུ་བཟོས་ཤིང་༼བོད་རང་སྐྱོང་ལྗོངས་ཀྱིས་བོད་སྐད་ཡིག་སློབ་སྦྱོང་དང་བེད་སྤྱོད་དང་འཕེལ་རྒྱས་གཏོང་བའི་གཏན་འབེབས་༽ཞེས་པའི་ གཏན་འབེབས་གསར་བ་ཞིག་གསར་བཟོ་བྱས་པ་རེད། གཏན་འབེབས་གསར་བ་དེ་ཡིས་༼གཏན་འབེབས་ཚོད་ལྟ་མའི་༽གཏན་འཁེལ་ལེགས་ཤོས་ཚང་མ་ཕྱིར་འཐེན་དང་ནུས་མེད་དུ་བཟོས་ནས་བོད་སྐད་ཡིག་གི་ཐོབ་ཐང་གཟུགས་བརྙན་ཙམ་དུ་བྱས་ཡོད་པས། བློ་མཐུན་བཀྲ་ཤིས་ཚེ་རིང་སོགས་ཀྱིས་གཏན་འབེབས་གསར་བ་དེ་ལ་དགག་པ་ཚ་ནན་བརྒྱབ་པ་རེད། བོད་རང་སྐྱོང་ལྗོངས་ཀྱི་བོད་སྐད་ཡིག་གི་ཁྲིམས་བཟོ་གནས་བབས་ལ་གསལ་རྟོགས་བྱུང་བའི་ཆེད་དུ། གཤམ་ནས་གཏན་འབེབས་གསར་རྙིང་གི་ཁྲིམས་ཡིག་ཤན་སྦྱར་བྱས་ཏེ་སྤེལ་ཡོད། ཡི་གེ་དམར་པོ་སྟེང་བྲིས་ཡོད་པ་དེ་ནི་༡༩༨༧་ལོར་བཟོས་པའི་༼གཏན་འབེབས་ཚོད་ལྟ་མའི་༽ཁྲིམས་ཡིག་ཡིན་པ་དང་། ཁྲིམས་ཡིག་དེ་རྒྱ་ཡིག་ནས་བོད་ཡིག་ཏུ་བསྒྱུར་མཁན་གངས་ཆུ་མིག་ཡིན་ལ་དྲ་ཐོག་ནས་རྒྱུགས་ཆེ་བའི་ཁྲིམས་ཡིག་དེ་ཡང་འདི་ཉིད་ཡིན། ཡིན་ནའང་༢༠༠༢་ལོར་གཏན་འབེབས་དེ་ནུས་མེད་དུ་བཟོས་ཟིན་པ་རེད། ཡི་གེ་ནག་པོ་སྟེང་དུ་བྲིས་ཡོད་པ་དེ་ནི་༢༠༠༢་ལོར་བསྐྱར་བཅོས་དང་གསར་བཟོ་བྱས་པའི་གཏན་འབེབས་གསར་བའི་ཁྲིམས་ཡིག་ཡིན་པ་དང་། བསྒྱུར་མཁན་ཁྲིམས་གླེང་དྲ་རྒྱ་ཡིན་ལ་ད་ལྟ་ལག་བསྟར་ལྟར་སྣང་ཙམ་བྱེད་བཞིན་པའི་གཏན་འབེབས་ཀྱང་འདི་ཉིད་ཡིན་ནོ། ད
སྐད་ཡིག་གི་ཐོབ་ཐང་བརྩོན་ལེན་བྱེད་པའི་ཐབས་ལམ་དང་དགེ་མཚན།
སྐད་ཡིག་ནི་མི་རིགས་ཤིག་གི་རིག་གནས་དང་ངོ་བོ་མཚོན་བྱེད་ཡིན། དེར་བརྟེན། རང་གི་སྐད་ཡིག་བཀོལ་སྤྱོད་ཀྱི་ཐོབ་ཐང་དང་རང་དབང་ནི་འགྲོ་བ་མིའི་ཐོབ་ཐང་གི་ཆ་ཤས་ཤིག་ཆགས་ཀྱི་ཡོད། ༡༩༥༤ ལོར་རྒྱལ་ཁབ་ཀྱི་རྩ་ཁྲིམས་ཐོག་མར་གཏན་འབེབས་དང་། དེ་རྗེས་ ༡༩༧༥ ལོ་དང་།
སྐད་ཡིག་དང་འདབ་ཆགས།
བྱ་རྡོ་རྡོ་ནི་གཤོག་པ་ཡོད་ཀྱང་བཀོལ་སྤྱོད་མ་བྱས་པའི་དབང་གིས། འཚེར་ལོངས་ཀྱི་ཁྲོད་དུ་གཤོག་པ་རང་བཞིན་གྱིས་ཇེ་ཆུང་དུ་སོང་ནས་རང་གི་ལུས་ཕུང་དབྱིངས་སུ་འདེགས་པའི་འཕུར་རྩལ་དང་འཕུར་ཤུགས་ཉམས་པའམ་བྲལ་ནས་ཐང་དུ་ལུས་པའི་འདབ་ཆགས་ཤིག་ཏུ་གྱུར་ཅིང་། ཕྱིས་སུ་ཕྱི་
སྐད་ཡིག་གི་ཐོབ་ཐང་ནི་རྩ་ཁྲིམས་ལས་བྱུང་བའི་ཐོབ་ཐང་ཡིན།
དཔེ་རིས་ཆ་ཚང་འབྲེལ་ཐག་འདི་བརྒྱུད་ནས་ཕབ་ལེན་གནང་རོགས། Language-
ནང་སོག་བགྲེས་ཡོལ་ལས་བྱེད་པ་ཞིག་གི་སྐད་ཡིག་ཐོབ་ཐང་བརྩོན་ལེན་གྱི་ལམ་བུ།
ཆབ་མདོ་གྲོང་ཁྱེར་གྱིས་བོད་ཡིག་བེད་སྤྱོད་ཀྱི་ཐད་ལ་ཁྲིམས་ཤིག་བཟོས་ཡོད་པ།
དུས་རབས་སྔོན་མའི་ལོ་རབས་བརྒྱད་བཅུའི་ནང་དུ། བོད་ཀྱི་ས་ཁུལ་ནས་ས་གནས་ཁྲིམས་སྲོལ་དང་སྲོལ་ཡིག་སོགས་བཟོ་བའི་འགོ་བརྩམས་པ་རེད། སྐབས་དེར་བོད་ལ་བོད་ཡིག་ཤེས་པའི་ཁྲིམས་ལུགས་མི་སྣ་ཤིན་ཏུ་དཀོན་པའི་རྒྱུ་མཚན་གྱི་དབང་གིས། དེའི་སྐབས་སུ་བཟོས་བའི་ཁྲིམས་ཡིག་ཕལ་ཆེ་བ་གཞན་ལ་ལད་ཟློས་བྱས་ཏེ་འདྲ་བཤུ་བྱེད་དགོས་བྱུང་ཞིང་། ཁྲིམས་ཡིག་གི་ནང་དོན་དང་གཏན་འཁེལ་ཡང་ཆེ་ལོང་ཙམ་ཡིན་པ་མ་གཏོགས་ཕྲ་ཞིང་ཞིབ་པ་ཞིག་གཏན་འཁེལ་བྱས་མེད། རང་རང་གི་ས་གནས་ཀྱི་གནས་བབ་དང་མཐུན་རྐྱེན། ཆུ་ཚད་སོགས་ལ་བསམ་བློ་ཞིབ་ཚགས་མ་བཏང་བར་བཟོས་བའི་ཁྲིམས་ཡིག་དེ་དག་བོད་ཀྱི་སྤྱི་ཚོགས་དངོས་ཀྱི་འཚོ་བ་དང་ཧེ་བག་ཆེ་བའི་གནད་དོན་མང་བོ་བྱུང་།
བྱིས་སྐྱོང་ཁང་ལ་སྐད་གཉིས་སློབ་གསོ་དགོས་དོན་མེད།
སློབ་ལོ་མ་རན་པའི་བྱིས་པ་(学前儿童)ཞེས་པ་ནི་བྱིས་པ་ལོ་དྲུག་ལ་མ་སོན་པའམ། གྲངས་ཉུང་མི་རིགས་ཀྱི་ས་ཁུལ་དང་། དཔལ་འབྱོར་དང་འགྲིམ་འགྲུལ་སོགས་འཕེལ་རྒྱས་ཀྱི་ཚད་ཞན་པའི་ས་ཆ་རུ་་ལོ་བདུན་ལ་མ་སོན་པའི་བྱིས་པ་རྣམས་ལ་སློབ་ལོ་མ་རན་པའི་བྱིས་པ་ཟེར་གི་ཡོད། བྱིས་པ་དེ་དག་གི་སློབ་གསོ་དང་འབྲེལ་བའི་བྱ་གཞག་ལ་སློབ་ལོ་སྔོན་གྱི་སློབ་གསོའམ་ཁྱེའུ་དུས་སློབ་གསོ་་ཟེར། རང་རེའི་རྒྱལ་ཁབ་ཀྱི་རྩ་ཁྲིམས་དང་འོས་འགན་སློབ་གསོའི་ཁྲིམས་སོགས་ཀྱི་གཏན་འཁེལ་ལྟར་ན། སློབ་ལོ་མ་རན་པའི་བྱིས་པ་ཡིས་བྱིས་སྐྱོང་ཁང་སོགས་ལ་སོང་ནས་སློབ་སྦྱོང་བྱེད་དགོས་པའི་འོས་འགན་མེད་པས། བྱིས་པའི་ཕ་མས་ཀྱང་རང་ཉིད་ཀྱི་སློབ་ལོ་མ་རན་པའི་བྱིས་པ་བྱིས་སྐྱོང་ཁང་སོགས་ལ་བསྐྱལ་་ནས་རྒྱ་ཡིག་སོགས་སློབ་སྦྱོང་བྱེད་དུ་འཇུག་པའི་ཁྲིམས་ལུགས་ཀྱི་འོས་འགན་གང་ཡང་མེད། འོས་འགན་སློབ་གསོ་ཞེས་པ་ནི་ཁྲིམས་ལུགས་ཀྱི་ཐ་སྙད་ཅིག་ཡིན།
ཁྲིམས་བཅས་ནས་ལག་བསྟར་མི་བྱེད་པའི་ཉེན་ཁ་ནི་ཁྲིམས་མེད་པ་ལས་ཆེ།
བགྲེས་སོང་འདིའི་མཚན་ལ་མང་ཧོར་ཏཱ་ལའི་༼孟和达赖༽ཟེར། ཁོང་ནི་ནང་སོག་མཁར་སྔོན་པོ་གྲོང་ཁྱེར་༼呼和浩特市༽་གྱི་རྫས་འགྱུར་བཟོ་གྲྭ་ཞིག་ནས་བགྲེས་ཡོལ་བྱས་པའི་ལས་བྱེད་ཅིག་རེད། ཁོང་གིས་བྲིས་པའི་ཞུ་མཆིད་འདིའི་ནང་དུ་གྲངས་ཉུང་མི་རིགས་ཀྱི་སྐད་ཡིག་གི་ཐོབ་ཐང་རྩོད་ལེན་གྱི་དཀའ་ཚེགས་དང་གནད་དོན་མང་པོ་ཞིག་བསྟན་འདུག།
རྒྱལ་ཁབ་དང་བོད་མི་མང་བར་དུ་འགལ་ཟླ་བཟོ་མཁན་སུ་རེད།
མཛེས་སྡུག་ལྡན་པའི་བོད་ཡིག་གི་དེང་རབས་རྩིས་རིག་ལ་ནོངས་པ་ཅི་མཆིས། ད་ལོའི་སྤྱི་ཟླ་༦པའི་ཡས་མས་སུ། བོད་རང་སྐྱོང་ལྗོངས་སློབ་གསོ་ལས་ཁུངས་ཀྱིས་ལྷ་སའི་གྲོང་ཁྱེར་གྱི་རྫོང་ཁག་ཁ་ཤས་ཀྱི་སློབ་ཆུང་སློབ་མའི་རྩིས་རིག་གི་ཁྲིད་གཞི་བོད་སྐད་ཀྱིས་ཁྲིད་བཞིན་པ་དེའི་མཚམས་བཅད་ནས་རྒྱ་ཡིག་གིས་ཁྲིད་དགོས་བའི་སྲིད་འཛིན་ཡིག་ཆ་ཞིག་སྤེལ། ཡིག་ཆ་དེའི་ནང་དོན་དང་དམིགས་ཡུལ་ལ་བོད་རང་སྐྱོང་ལྗོངས་ཀྱི་བོད་མི་ཁྲིམས་འཛིན་པ་བདེ་ཁང་བྱམས་པ་ཟེར་བ་ཞིག་གིས་༼ སུས་བོད་རིགས་བྱིས་པ་དག་གི་བོད་ཡིག་སློབ་གསོའི་ཐོབ་ཐང་བརྐུ་འཕྲོག་བྱས་བ་རེད། བོད་སྐད་ཡིག་གི་ཐོབ་ཐང་ལ་སྲུང་སྐྱོབ་བྱེད་པ།༽་ཞེས་བའི་དྲ་རྩོམ་ཞིག་སྤེལ་ཏེ་རྒྱལ་ཁབ་ཀྱི་རྩ་ཁྲིམས་དང་ཁྲིམས་ལུགས་གཞིར་བཟུང་ཏེ་བོད་རང་སྐྱོང་ལྗོངས་ཀྱི་སློབ་གསོ་ལས་ཁུངས་ཀྱི་ཡིག་ཆ་དེ་ལ་དགག་པ་བརྒྱབ་ཅིང་། རྒྱལ་ཁབ་ཀྱིས་བཙུགས་པའི་སློབ་གྲྭ་ནས་བོད་སྐད་ཡིག་གི་སློབ་ཁྲིད་དང་སློབ་གསོ་ལ་ཁག་ཐེག་བྱེད་པ།བོད་སྐད་ཡིག་གི་ཁྲིད་གཞི་ཚང་མ་གཅིག་གྱུར་བྱས་ཏེ་ཁྲིད་གཞི་རྙོག་འཛིང་གི་གནས་ཚུལ་མཚམས་གཅོད་བྱེད་པ། བོད་སྐད་ཡིག་བེད་སྤྱད་ནས་ཡིག་རྩལ་གཏོང་བ་ལ་ཁག་ཐེག་བྱེད་དགོས་ཤིང་མི་རིགས་འདྲ་མིན་གྱི་དགེ་རྒན་ལ་ཟབ་སྦྱོང་སྤྲད་ནས་སློབ་མ་དང་འབྲེལ་འདྲིས་བྱེད་སླ་བར་བཟོ་བ་བཅས་བའི་རེ་འདུན་བཞི་བཏོན། བདེ་ཁང་བྱམས་པའི་སྐྱོན་བརྗོད་ལ་བོད་རང་སྐྱོང་ལྗོངས་ཀྱི་སློབ་གསོ་ལས་ཁུངས་ཀྱིས་༼ བོད་ལྗོངས་ཀྱི་དེང་རབས་སློབ་གསོ། རིགས་སོ་སོའི་མང་ཚོགས་ཀྱི་མི་ཚེ་སྔར་བས་མཛེས་བར་བྱ།༽ཞེས་བའི་དགག་ལན་ཞིག་འཕྲད་དུ་སྤེལ་ནས་རྒྱའི་སྐད་ཡིག་བོད་ལྗོངས་ནས་བཙན་སྤེལ་བྱེད་པ་ནི་དེང་རབས་སློབ་གསོ་ཡི་དགོས་མཁོ་ཡིན་ཚུལ་བརྗོད་འདུག བདེ་ཁང་གི་དགག་ཡིག་ཁྲིམས་གླེང་དྲ་ཚིགས་ཀྱི་རྒྱ་ཡིག་གི་ལེ་ཚན་ནང་དུ་བཞག་ཡོད་པས་ཤེས་བར་འདོད་ན་ངེད་དྲ་ཚིགས་བརྒྱུད་ནས་གཟིགས་རོགས། འབྲེལ་ཐག་ནི་http://trimleng.cn/dekhang-chamba/ ཡིན། སློབ་གསོ་ལས་ཁུངས་ཀྱི་དགག་ལན་དྲ་ཐག་འདི་བརྒྱུད་ནས་བལྟ་ཐུབ། http://www.xzxw.com/xw/201606/t20160615_1281748.html མཚོ་སྔོན་གྱི་རེབ་གོང་དང་ཆབ་ཆའི་བོད་སྐད་ཡིག་དོན་རྐྱེན་ལ་ངས་དཔྱད་པ་ཞིག་བཏང་ཡོད་པ་དེའི་ནང་དུ། བོད་སྐད་ཡིག་གི་རྩ་ཁྲིམས་ཀྱི་ཐོབ་ཐང་ལ་མཐོང་ཆུང་དང་རྩིས་མེད་དུ་གཏོང་མཁན་ཏང་དང་རྒྱལ་ཁབ་ཀྱི་དབུས་གཞུང་མ་ཡིན་པར་ས་གནས་སྲིད་གཞུང་གི་སློབ་གསོ་ལས་ཁུངས་སོ་སོ་ཡིན་ཞེས་བསྡོམས་ཚིག་བཀོད་ཡོད་པ་བཞིན། ཐེངས་འདིའི་ལྷ་སའི་སྐད་ཡིག་གི་དོན་རྐྱེན་གྱི་བྱེད་གཏེ་གཙོ་བོའང་བོད་རང་སྐྱོང་ལྗོངས་མི་དམངས་སྲིད་གཞུང་གི་སློབ་གསོ་ལས་ཁུངས་ཆགས་ཡོད། ཁོང་ཚོས་བདེ་ཁང་བྱམས་པ་ལ་བྲིས་བའི་དགག་ལན་གྱི་ནང་དུ་བོད་ཡུལ་ནས་དེང་རབས་མི་རིགས་སློབ་གསོ་སྤེལ་བའི་ཆེད་དང་། རིགས་སོ་སོའི་མི་མང་གི་བདེ་སྐྱིད་ཀྱི་འཚོ་བའི་ཆེད་དུ་བོད་ཡིག་གི་དར་སྤེལ་ལ་བཀཀ་འགོག་བྱས་ཤིང་རྒྱ་ཡིག་རྒྱ་ཆེར་དར་སྤེལ་བྱེད་དགོས་ཞེས་བརྗོད་འདུག ཁོང་ཚོས་ཀྱང་རྒྱལ་ཁབ་ཀྱི་རྩ་ཁྲིམས་དང་མི་རིགས་རང་སྐྱོང་གི་ཁྲིམས་ལུགས་སོགས་གཞིར་བཞག་ནས་བཤད་དོན་༼བོད་ཡིག་སྦྱངས་ན་ནང་ལོགས་དང་ཕྱི་རྒྱལ་ལ་སློབ་སྦྱོང་དུ་འགྲོ་བའི་གོ་སྐབས་མེད་འགྲོ་གི་རེད༽དང་༼བོད་སྐད་ཡིག་གི་སློབ་གསོ་དར་སྤེལ་བྱས་ན་བོད་ནང་གི་གྲངས་ཉུང་མི་རིགས་ཀྱི་ཐོབ་ཐང་ལ་གནོད་པ་ཐེབས་ཀྱི་རེད།༽ཟེར། བལྟས་ཚོད་ཀྱིས་ཁོང་ཚོའི་བཤད་པ་དེར་རྩ་ཁྲིམས་དང་ཁྲིམས་ལུགས་དང་སྲིད་བྱུས་སོགས་ཀྱི་རྒྱབ་རྟེན་ཡོད་པས་སྐྱོན་ཆེར་མི་འདུག་བསམ་མོད། དེས་ནི་ཁོང་ཚོས་རྩ་ཁྲིམས་དང་ཁྲིམས་ལུགས་དང་སྲིད་བྱུས་བཅས་ཀྱི་ཕྱོགས་ཡོངས་ཀྱི་དགོངས་པ་བརྩིས་མེད་དུ་བཏང་ནས་ཁོང་ཚོའི་ལས་དོན་ཁོ་ན་ལ་ཕན་པའི་ཁྲིམས་ཚིག་རེ་གཉིས་ལོག་འདྲེན་བྱས་བའི་རྐྱེན་གྱིས་ང་ཚོར་འཁྲུལ་སྣང་དེ་བྱུང་བ་རེད། རྩ་ཁྲིམས་དང་ཁྲིམས་ལུགས་ཀྱི་རྩ་བའི་དམིགས་ཡུལ་དང་དགོངས་དོན་མཐར་ཐུག་གི་སྟེང་ནས་བལྟས་ན་ཁོང་ཚོའི་ལྟ་བ་ནི་ནོར་འཁྲུལ་ཅན་གྱི་ལྟ་བ་ཙམ་ཡིན་པ་མ་ཟད། དེ་ལས་ཀྱང་ཚབས་ཆེ་བ་ནི་ཁོང་ཚོས་བྱ་སྤྱོད་དང་དམིགས་ཡུལ་ངན་པ་དེ་ཏང་དང་རྒྱལ་ཁབ་ལ་ཁག་དཀྲི་བྱས་ཏེ་བོད་ལྗོངས་མི་དམངས་དང་རྒྱལ་ཁབ་གཉིས་ཀྱི་བར་ལ་དཀྲུགས་ཤིང་དང་དབྱེན་སྦྱོར་བྱེད་བཞིན་པ་དེ་ཡིན། རྩ་ཁྲིམས་དང་མི་རིགས་རང་སྐྱོང་གི་ཁྲིམས་ལུགས། བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱིས་བཟོས་བའི་བོད་སྐད་ཡིག་ལས་དོན་སྐོར་གྱི་ས་གནས་ཁྲིམས་སྲོལ། དེ་ནས་་སྐབས་༡༨པའི་ཀྲུང་ཨུ་ཚང་འཛོམས་བཞི་བའི་གྲོས་ཆོད་དང་ཞི་ཅིན་ཕེན་གྱིས་གྲོས་ཆོད་ཀྱི་འཆར་སྣང་ལ་བསྐྱོན་པའི་འགྲེལ་བཤད་བཅས་ཀྱི་རྩ་དོན་ལ་བོད་རང་སྐྱོང་ལྗོངས་སློབ་གསོ་ལས་ཁུངས་ཀྱིས་མངོན་སུམ་འཛེམ་མེད་དུ་བཤིག་ཐུབ་པའི་རྒྱུ་མཚན་དང་སྤོབས་པ་གང་ལས་བྱུང་བ་རེད་ཞེ་ན། ཁོ་བོས་བོད་ཁུལ་ན་བྱུང་བཞིན་པའི་སྣང་ཚུལ་འདི་རིགས་ལ་ཞིབ་ཏུ་བརྟག་དཔྱད་བཏང་བའི་རྗེས་སུ། གནད་དོན་འདི་དག་གྲངས་འབོར་ཆེ་བའི་དབུས་གཞུང་གི་རོགས་དངུལ་ལ་ཐུག་འདུག་པར་སྙམ། དབུས་གཞུང་གིས་ལོ་རེར་བོད་རང་སྐྱོངས་ལྗོངས་ཀྱི་སློབ་གསོའི་སྐོར་ལ་རོགས་དངུལ་འབོར་ཆེན་སྤྲད་གི་ཡོད་པ་དང་། ༢༠༡༣ལོ་ནས་བཟུང་གྲངས་འབོར་དེ་ཐེར་འབུམ་ཆེན་པོ་གཅིག་དང་ཐེར་འབུམ་གཅིག་༼ ¥༡༡༠༠༠༠༠༠༠༠༠༽ལྷག་ལ་སོན་ཡོད། ལོ་རེའི་རོགས་དངུལ་བརྒྱ་ཆའི་༡༤དང་གྲངས་ཆུང་༦གི་སྒོ་ནས་འཕེལ་བཞིན་ཡོད། རོགས་དངུལ་འབོར་ཆེན་འདི་ལྐོག་ནས་བགོ་བཤའ་བྱེད་ཆེད། བོད་རང་སྐྱོང་ལྗོངས་ཀྱི་སློབ་གསོ་ལས་ཁུངས་ཀྱིས་རྒྱའི་སྐད་ཡིག་བོད་ཀྱི་སློབ་ཆུང་དང་སློབ་ལོ་མ་རན་པའི་བྱིས་སྐྱོང་ཁང་སོགས་ནས་བཙན་གྱིས་དར་སྤེལ་བྱེད་པའི་ལས་གཞི་ཞིག་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཁྲིམས་ཀྱིས་དབང་བསྐུར་མེད་པར་སྤེལ། [caption id=”attachment_770” align=”alignright” width=”300”]
བོད་རང་སྐྱོང་ལྗོངས་སྲིད་གཞུང་གི་ལས་ཁུངས་ཀྱིས་བོད་ཡིག་བེད་སྤྱོད་མི་བྱེད་པའི་དཔེ་མཚོན།[/caption] བོད་ལྗོངས་དང་བོད་ཀྱི་ས་ཁུལ་ན་རྒྱ་ཡིག་སྦྱངས་སའི་སློབ་གྲྭ་ཆར་ཤུལ་གྱི་ཤ་མོ་ལྟར་བརྡོལ་ཡོད་པས། རོགས་དངུལ་འདི་དག་དམིགས་སུ་བཀར་ནས་རྒྱ་ཡིག་སློབ་གྲྭའི་བོད་རིགས་སློབ་མ་ཚོས་རྒྱ་ཡིག་སྦྱངས་བ་ལ་བཀོལ་མི་དགོས་བས། སློབ་གསོ་ལས་ཁུངས་ཀྱིས་ད་ལྟ་བོད་སྐད་ཡིག་གཙོས་བའི་སློབ་གྲྭ་ནས་རྒྱའི་སྐད་ཡིག་ཇི་ལྟར་རྒྱ་ཆེར་སྦྱངས་དགོས་བའི་ལས་དོན་ཐད་ལག་ངན་བསྲིངས་ནས་རོགས་དངུལ་ཧམ་ཟ་བྱེད་ཐབས་བྱས། མཚོ་སྔོན་ཞིང་ཆེན་ལའང་༢༠༡༠ལོར་རྒྱའི་སྐད་ཡིག་བོད་ཀྱི་ས་ཁུལ་ནས་དར་སྤེལ་བྱེད་ཆེད་རྒྱ་་སྒོར་ཐེར་འབུམ་༧དང་དུང་ཕྱུར་༦ཐོབ་ཡོད་ཟེར། སྒོར་མོ་དེར་རྔམ་ནས་མཚོ་སྔོན་ཞིང་ཆེན་སྲིད་གཞུང་གི་སློབ་གསོ་ལས་ཁུངས་ཀྱིས་བོད་ཁུལ་གྱི་སློབ་གྲྭ་ནས་བོད་ཡིག་གི་སློབ་ཁྲིད་ལ་ཁྲིམས་འགལ་གྱིས་ཐེ་གཏོགས་བྱས། མཚོ་སྔོན་བོད་ཁུལ་གྱི་བོད་མི་མང་བོས་མཐའ་གཅིག་ཏུ་ངོ་རྒོལ་བྱས་སྟབས་མཚོ་སྔོན་སློབ་གསོ་ལས་ཁུངས་ཀྱི་དམིགས་ཡུལ་ངན་པ་དེ་གནས་སྐབས་སུ་འགྲུབ་མ་ཐུབ། ལྷ་ས་ལ་མཚོན་ན་མཚོ་སྔོན་ལྟ་བུའི་ངོ་རྒོལ་ཤུགས་དྲག་བྱས་མེད་པའི་རྒྱུ་མཚན་གྱིས་སློབ་གསོ་ལས་ཁུངས་ཀྱིས་ཁོང་ཚོའི་ལས་ཀ་དེ་ཁྲིམས་མཐུན་ཡིན་མདོག་མདོག་གི་སྒོ་ནས་ལས་བཞིན་ཡོད། སྤྱིར་ཁྲིམས་ཀྱི་འགྲོ་སྟངས་ཡིན་ན་རོགས་དངུལ་དེ་དག་བོད་ཀྱི་སྐད་ཡིག་གི་དར་སྤེལ་ལ་ཕན་པའི་ཆེད་དུ་བེད་སྤྱོད་བྱེད་དགོས་བ་ཞིག་ཡིན་ལ། བེད་སྤྱོད་བྱེད་མཁན་གཙོ་བོའང་བོད་མི་ཡིན་དགོས། བོད་ལྗོངས་ནས་བོད་མིས་རྒྱ་ཡིག་ཇི་ལྟར་སྦྱངས་བའི་ཐད་ལ་བོད་པས་ཁྲིམས་བཟོ་དགོས་བ་མ་གཏོགས། རྒྱ་མིས་བོད་པས་རྒྱ་ཡིག་ཇི་ལྟར་སློབ་པ་ལ་སྲིད་ཇུས་གཏན་འབེབས་བྱེད་པ་ཞིག་མིན། རྩ་ཁྲིམས་དང་ཁྲིམས་ལུགས་ཀྱི་རྨིང་གཞི་མེད་པའི་སྲིད་བྱུས་དེ་བཙན་དབང་གི་སྒོ་ནས་སྤེལ་ན་རྩ་ཁྲིམས་དང་མི་རིགས་ས་གནས་རང་སྐྱོང་གིས་གྲངས་ཉུང་མི་རིགས་ལ་སྤྲད་པའི་རང་རྐྱ་ཐུབ་པའི་སློབ་གསོ་རང་སྐྱོང་གི་དབང་ཆ་ལ་གནོད་ཅིང་། ཁྲིམས་བཟོ་བའི་ཁྲིམས་ལ་བརྩིས་མེད་དུ་བཏང་སྟེ་། ས་གནས་གྲངས་ཉུང་མི་རིགས་ཀྱིས་བཟོས་བའི་ཡུལ་ཁྲིམས་ལའང་མཐོང་ཆུང་དང་རྡོག་རོལ་བཏང་བ་ཡིན། ད་ལྟ་བོད་ལྗོངས་ན་རྒྱ་རིགས་ཀྱི་གྲངས་འབོར་ཆེ་རུ་འགྲོ་བཞིན་པ་བདེན། གནད་དོན་དེ་གྲོང་ཁྱེར་ལྷ་སའི་ཉེ་འཁོར་གྱི་གནད་དོན་ཙམ་ཡིན། བོད་རང་སྐྱོང་ལྗོངས་འདི་རྩ་ཁྲིམས་ལྟར་སྔར་བཞིན་བོད་རིགས་ཀྱིས་རང་སྐྱོང་བྱེད་པའི་ལྗོངས་ཤིག་ཡིན་པ་ལས་རྒྱ་རིགས་གཙོས་བའི་མི་རིགས་སྣ་ཚོགས་ཀྱིས་རང་སྐྱོང་བྱེད་པའི་ལྗོངས་ཤིག་མིན། དེའི་ཕྱིར། བོད་ལྗོངས་ནས་དེང་རབས་ཀྱི་བོད་མི་རིགས་སློབ་གསོའི་ལས་དོན་ནི་དེང་རབས་མི་རིགས་གཞན་གྱི་སློབ་གསོའི་ལས་དོན་ལས་གལ་ཆེ་བའི་རྩ་དོན་ཞིག་ཡིན། དེ་ནི་གྲོང་ཁྱེར་ལྷ་ས་ན་རྒྱ་རིགས་དང་མི་རིགས་གཞན་ཇེ་མང་དུ་སོང་བ་ཙམ་གྱིས་འགྱུར་བ་བྱེད་དགོས་བ་ཞིག་མ་རེད། རྒྱལ་ཁབ་ཀྱི་རྩ་ཁྲིམས་ཀྱི་ནང་དུ་གྲངས་ཉུང་མི་རིགས་ལ་སོ་སོའི་སྐད་ཡིག་བཀོལ་སྤྱོད་དང་དར་སྤེལ་གྱི་ཐོབ་ཐང་ཡོད་ཅེས་གཏན་ཏུ་འཁེལ་ཞིང་། མི་རིགས་ས་གནས་རང་སྐྱོང་ཁྲིམས་ལུགས་ཀྱིས་རྩ་ཁྲིམས་དགོངས་དོན་དེ་གཞིར་བཞག་ནས་མི་རིགས་ས་ཁུལ་གྱི་སློབ་གསོའི་ལས་དོན་ལ་རྩ་ཁྲིམས་རང་བཞིན་ཅན་གྱི་གཏན་འཁེལ་བྱས་ཡོད། རྩ་ཁྲིམས་དང་མི་རིགས་ས་ཁུལ་རང་སྐྱོང་གི་ཁྲིམས་ལུགས་བཅས་ཀྱི་ནང་དུ་གྲངས་ཉུང་མི་རིགས་ཀྱི་ས་ཁུལ་ལ་དེའི་སློབ་གསོ་ལས་དོན་ལ་བཀོད་འདོམས་བྱེད་པའི་དབང་ཆ་གཞན་གྱིས་དྲིང་མི་འཇོག་པ་ཡོད་པས། གལ་ཏེ་རྒྱའི་སྐད་ཡིག་བོད་ལྗོངས་ནས་དར་སྤེལ་སྔར་བས་ལྷག་པ་ཞིག་བྱེད་དགོས་ན་ཐོག་མར་བོད་རང་སྐྱོང་ལྗོངས་ཀྱི་བོད་སྐད་ཡིག་ལས་དོན་ཀྱི་ཡུལ་ཁྲིམས་ནང་དུ་གཏན་འཁེལ་བྱས་རྗེས་ད་གཟོད་སྲིད་གཞུང་གིས་ཡུལ་ཁྲིམས་ཀྱི་དབང་ཁྱབ་འོག་བྱེད་ཐབས་ཕྲ་ཞིང་ཞིབ་པ་གཏན་འཁེལ་བྱས་ཏེ་ལག་བསྟར་བྱེད་དགོས། [caption id=”attachment_775” align=”alignleft” width=”138”]
སློབ་གསོ་ལས་ཁུངས་ཀྱི་དབང་ཆ་ཁྲིམས་ཀྱི་གཟེབ་ནང་དུ་འཇུག་དགོས།[/caption] བོད་རང་སྐྱོང་ལྗོངས་ཀྱི་སློབ་གསོ་ལས་ཁུངས་ཀྱི་ལམ་རིམ་དེ་མ་བརྒྱུད་པར་བྱུང་རྒྱལ་གྱིས་འཛིན་སྐྱོང་ཡིག་ཆ་སྤེལ་ནས་བོད་ལྗོངས་ཀྱི་སྐད་ཡིག་གི་ཡུལ་ཁྲིམས་བཤིག་པ་དེ་ནི་ཁྱི་བདག་པོས་འགོག་རྒྱུ་མགྲོན་པོས་བཀག་པ་དང་། གཏམ་ཨ་ཕས་བཤད་རྒྱུ་ཨ་མས་བཤད་ཅེས་བའི་ཚུལ་ལས་མ་འདས་ཤིང་། ཁྲིམས་འགལ་གྱི་བྱ་སྤྱོད་དེ་དག་གིས་བོད་མི་མང་དང་ཏང་དང་རྒྱལ་ཁབ་བར་ལ་དཀྲུགས་ཤིང་འཕངས་བའི་བྱ་སྤྱོད་ཡིན་པས་ཚང་མས་ཤེས་བར་འཚལ། ཞི་ཅིན་ཕེན་གྱིས་ཀྲུང་དབྱང་ཆབ་སྲིད་ཅུའུ་ཡི་མངག་བཅོལ་དང་དུ་བླངས་ནས། ༼ཀྲུང་གུང་ཀྲུང་དབྱང་གི་ཁྲིམས་ལྟར་རྒྱལ་ཁབ་སྐྱོང་བར་ཕྱོགས་ཡོངས་ནས་སྐུལ་འདེད་བྱེད་པའི་གནད་དོན་གལ་ཆེན་རབ་དང་རིམ་པའི་སྐོར་གྱི་ཆོད་དོན༽གྱི་མ་ཡིག་བྲིས་པའི་གནས་ཚུལ་ཐད་ནས་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་བར་སྟེང་ཕུལ་བའི་གསལ་བཤད་ཀྱི་ནང་ནས་གནད་དོན་བཅུ་བཤད་ཡོད་པའི་དོན་ཚན་གསུམ་པ། ༼རྩ་ཁྲིམས་ལག་བསྟར་དང་ལྟ་སྐུལ་ལམ་ལུགས་འཐུས་ཚང་དུ་གཏོང་བ། ཁྲིམས་སྐྱོང་གི་དབང་ཟིལ་མངོན་ཐུབ་མིན་དེ། ཐོག་མར་རྩ་ཁྲིམས་ལ་དབང་ཟིལ་ཡོད་མེད་ལ་རགས་ལས་པ་དང་། ངེས་པར་དུ་རྩ་ཁྲིམས་ཀྱི་དབང་ཟིལ་དྲིལ་སྒྲོག་དང་དབང་ཟིལ་མངོན་རྒྱུ་དེ་ཁྲིམས་ལྟར་རྒྱལ་ཁབ་སྐྱོང་བར་ཕྱོགས་ཡོངས་ནས་སྐུལ་འདེད་བྱེད་པའི་དོན་དག་ཆེན་པོ་ཞིག་ཏུ་བརྩིས་ནས་དམ་འཛིན་བྱས་ཏེ། རྩ་ཁྲིམས་ཀྱི་ལག་བསྟར་དང་ལྟ་སྐུལ་ཐད་ནུས་ཤུགས་འདོན་དགོས།༽ ལྔ་བ། ༼ཁྲིམས་སྐྱོང་སྲིད་གཞུང་མྱུར་དུ་འཛུགས་པ། ཁྲིམས་ལྟར་རྒྱལ་ཁབ་སྐྱོང་བར་ཕྱོགས་ཡོངས་ནས་སྐུལ་འདེད་བྱེད་པའི་གཙོ་གནད་ནི་བཅའ་ཁྲིམས་གཟབ་ནན་སྒོས་ལག་བསྟར་བྱེད་པར་འགན་སྲུང་བྱེད་རྒྱུ་དེ་ཡིན། སྲིད་གཞུང་ནི་ཁྲིམས་འཛིན་མཁན་གཙོ་བོ་ཡིན་པ་དང་། ཁྲིམས་འཛིན་ཁྱབ་ཁོངས་ན་གནས་པའི་ཁྲིམས་ལུགས་ལ་བརྩི་མཐོང་མི་བྱེད་པ་དང་ཁྲིམས་འཛིན་ནན་མོ་མི་བྱེད་པ། ཁྲིམས་དང་འགལ་ཚེ་འགན་འཁྲི་རྩད་གཅོད་མི་བྱེད་པ་ཐ་ན་དབང་ཆ་ལ་བརྟེན་ནས་ཁྲིམས་ལུགས་སྣང་མེད་དུ་འཇོག་པ། དབང་ཆ་ལ་བརྟེན་ནས་ལྐོག་རྔན་ལེན་པ་སོགས་ཀྱི་འབུར་ཐོན་གནད་དོན་སྟོབས་ཤུགས་ཡོད་རྒུས་ཐག་གཅོད་བྱེད་དགོས།༽ཞེས་བཤད་ཡོད་པ་དེས་བོད་རང་སྐྱོངས་ལྗོངས་སྲིད་གཞུང་གི་སློབ་གསོ་ལས་ཁུངས་ལ་སྤར་བའི་སྒྲོན་མེ་ཞིག་ཡིན་པ་མ་ཟད། ལམ་ལོག་ལ་སོང་ན་ཁྲིམས་འགལ་ཡིན་པའི་ཉེན་བརྡ་ཞིག་ཀྱང་བཏང་བ་ཡིན།
བློ་མཐུན་བཀྲ་ཤིས་ཚེ་རིང་གི་སྐད་ཡིག་སྲུང་སྐྱོབ་ཀྱི་ཐད་ལ་ཕུལ་བའི་སྙན་ཞུ།
༢༠༠༧ལོར་བློ་མཐུན་བཀྲ་ཤིས་ཚེ་རིང་གིས་བོད་རང་སྐྱོང་ལྗོངས་ཀྱི་ཁྲིམས་བཟོ་བ་ཡོངས་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གནད་ཡོད་ལས་ཁང་སོགས་ལ་སྙན་ཞུ་ཞིག་ཕུལ་ནས་༢༠༠༢ལོའི་རང་སྐྱོང་ལྗོངས་ཀྱི་སྐད་ཡིག་ཡུལ་ཁྲིམས་བཟོ་བཅོས་གསར་བ་དེས་རྩ་ཁྲིམས་དང་མི་རིགས་རང་སྐྱོང་གི་ཁྲིམས་ལུགས་སོགས་ཀྱིས་བོད་ཀྱི་སྐད་ཡིག་ལ་སྤྲད་པའི་བཀོད་སྤྱོད་ཀྱི་དབང་ཐང་ལ་གནོད་འཚེ་ཚབས་ཆེན་བཟོས་ཡོད་པས་སྐད་ཡིག་སྐོར་གྱི་ཡུལ་ཁྲིམས་གསར་བ་དེར་ཡང་བསྐྱར་བཟོ་བཅོས་བྱེད་དགོས་བའི་འབོད་བསྐུལ་ཤུགས་དྲག་གནང་། རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གིས་ཁོང་གི་འབོད་སྐུལ་གྱི་སྐོར་ལ་གོང་རིམ་པས་བཀའ་ལྟར་བོད་ཡིག་ཆེད་མཁས་མི་སྣ་བསྐངས་ཏེ། ༢༠༠༧ལོའི་ཟླ་༧པའི་ཚེས་༧དང་ཚེས་༨བཅས་ཉིན་གཉིས་རིང་ལ་པེ་ཅིན་ནས་བཀྲ་ཤིས་ཚེ་རིང་གི་བསམ་འཆར་ལ་གྲོས་བསྡུར་བྱས་མཐར། ཁོང་གི་བསམ་འཆར་གནས་ལུགས་དང་མཐུན་ཞིང་བོད་རང་སྐྱོང་ལྗོངས་ཀྱི་སྐད་ཡིག་གི་ཡུལ་ཁྲིམས་གསར་བ་དེས་རྩ་ཁྲིམས་དང་མི་རིགས་ས་གནས་རང་སྐྱོང་གི་དགོངས་པ་དང་འགལ་ནས་བོད་ཡིག་བོད་ཀྱི་ས་ཁུལ་ནས་བཀོད་སྤྱོད་བྱེད་པར་བཀག་བསྡོམས་བྱས་བ་དེ་ཁྲིམས་འགལ་ཡིན་པས་བཟོ་བཅོས་བྱེད་དགོས་ཞེས་བློ་མཐུན་བཀྲ་ཤིས་ཚེ་རིང་གི་བསམ་འཆར་ལ་རྒྱབ་སྐྱོར་བྱས་ཡོད། གཤམ་དུ་བཞག་ཡོད་པ་ནི་ཁོང་གི་སྙན་ཞུ་དང་ཞུ་མཆིད་ཀྱི་དཔར་ཡིན། ཚང་མས་གཟིགས་རོགས་འཚལ།
ནམ་ནམ་ཞར་ཞར་རྗེས་སུ་དྲན་འོས་པའི་སྐད་ཡིག་ཐོབ་ཐང་འཐབ་རྩོད་ཀྱི་ཞུ་མཆིད་ཅིག
གཤམ་གྱི་ཞུ་མཆིད་ནི་མཚོ་སྔོན་ཞིང་ཆེན་གྱི་བགྲེས་ཡོལ་ལས་བྱེད་ཁག་གིས་༢༠༡༠ལོའི་བོད་ཀྱི་སྐད་ཡིག་གི་ལས་དབང་ཉག་ཕྲ་ཞིང་གཉན་འཕྲང་ལ་ཐུག་པའི་སྐབས་སུ་རྔམ་སྟོན་དང་སྐད་འབོད་བྱེད་པའི་སློབ་མ་དག་ལ་བརྒྱབ་སྐྱོར་གྱི་ཚུལ་ཏུ་བྲིས་ཤིང་། ཞུ་མཆིད་དེས་ཐེངས་དེའི་སྐད་ཡིག་ལས་འགུལ་རྒྱལ་ཁ་ལོན་པ་ལ་ཕན་ནུས་གཞལ་དུ་མི་ནུས་བ་ཐོན་ཡོད་པས་ཁོང་རྣམ་པའི་སྙིང་སྟོབས་དང་ཤེས་རབ་ལ་གུས་འདུད་ཞུ། ཕལ་ཆེར་ཁོང་ཚོ་ནང་གི་བགྲེས་སོང་ལ་ལ་ད་ལྟ་འཇིག་རྟེན་འདི་ན་མི་བཞུགས་ན་ཐང་། ཡིན་ནའང་ལོ་བརྒྱ་ཐུབ་གི་མྱི་མེད་རུང་། བསྐལ་བར་འདུག་གི་གཏམ་ཡོད་ཅེས་བ་བཞིན། ཁྲིམས་གླིང་གིས་ཁོང་ཚོ་རྗེས་སུ་དྲན་པའི་ཕྱིར་ཁོ་ཚོའི་ཞུ་མཆིད་འདིར་བཀོད་པ་ཡིན། མདོ་ལས། འཇིག་རྟེན་གཏེར་ཆེན་རྣམས་ནི་རྒྱལ་བོ་དང་། རྐུན་པོ་མེ་ཆུ་བསླུས་བས་ཟད་པར་འགྱུར། དེ་བཞིན་གཤེགས་པ་རྣམས་ཀྱི་ཐོས་གཏེར་ནི། བསྐལ་བ་བྱེ་བ་མང་བོར་ཆུད་མི་ཟ་ཞེས་གསུངས་ཡོད་པ་བཞིན། ཁོང་ཚོའི་ཞུ་མཆིད་འདི་ནི་ང་ཚོའི་སྨག་རུམ་ཁྲོད་དུ་འགྲུལ་བཞུད་ཀྱི་སྒྲོན་མེ་ཡིན། སྙིང་ཐག་པ་ནས་བཀའ་དྲིན་ཆེ་ཞུ།
བཀྲ་ཤིས་དབང་ཕྱུག་དང་འབྲེལ་བའི་ཁྲིམས་གླེང་བ།
ཉེས་དོན་གཏུག་བཤེར་སྐབས་ཀྱི་ཐ་སྙད་དང་བརྡ་ཆད་ཁ་ཤས་ཀྱི་འགྲེལ་བཤད།
གཤམ་གྱི་ཐ་སྙད་དག་ནི་ཉེས་དོན་གཏུག་བཤེར་་སྐབས་སུ་རྒྱུན་ཏུ་བཀོལ་སྤྱོད་བྱེད་པའི་ཐ་སྙད་དང་བརྡ་ཆད་རྒྱ་ཡིག་ནས་བོད་ཡིག་ལ་བསྒྱུར་བ་ཡིན། མཁྱེན་ལྡན་གྱི་གཟིགས་མཁན་རྣམས་ལ་ཐ་སྙད་དང་བརྡ་ཆད་སྤུས་ལེགས་ཡོད་ན་འདི་རུ་འགོད་པར་འཚལ། ང་ཚོས་ཐ་སྙད་གང་ལེགས་འཚོལ་བསྡུད་བྱས་ནས་རྗེས་སུ་ཚད་མར་འཛིན་པའི་ཐ་སྙད་གཏན་འཁེལ་བྱ་ཆོག ཐ་སྙད་དང་འགྲེལ་ལ་གོ་འཛོལ་སོགས་ཀྱི་ནོར་འཁྲུལ་ཡོད་ན་མཛུབ་སྟོན་གནང་བར་མཁྱེན།
བོད་རང་སྐྱོང་ལྗོངས་ཀྱི་སྐད་ཡིག་གི་ཡུལ་ཁྲིམས་ཀྱི་འགྱུར་ལྡོག
༡༩༨༧ལོར་སྐབས་བཞི་བའི་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཐེངས་ལྔ་བའི་གྲོས་ཚོགས་ཐོག་ཏུ་གྲོས་ཆོད་བྱུང་བའི་བོད་སྐད་ཡིག་བཀོད་སྤྱོད་ཐད་ཀྱི་ཡུལ་ཁྲིམས་ཚོད་ལྟ་མ་དེ་༢༠༠༢ལོར་སྐབས་བདུན་པའི་བོད་རང་སྐྱོང་ལྗོངས་ཀྱི་མི་དམངས་ཚོགས་ཆེན་ཐེངས་ལྔ་བའི་གྲོས་ཚོགས་ཐོག་བཟོ་བཅོས་བརྒྱབ་ཡོད་པ་དང་། བཟོ་བཅོས་སྔ་གཞུག་གི་ཡུལ་ཁྲིམས་གསར་རྙིང་གཉིས་ཤན་སྦྱར་བྱས་ནས་གཤམ་དུ་བཞག་ཡོད། ཡུལ་ཁྲིམས་རྙིང་བ་ཡི་གེ་ལྗང་ཁུས་མཚན་པ་དང་གསར་བ་ནག་པོས་བྲིས་ཡོད་པ་དེ་ཀློག་མཁན་རྣམས་ཀྱིས་བོད་ཀྱི་སྐད་ཡིག་གི་ཁྲིམས་བཟོའི་གནས་བབ་ལ་ཤེས་ཚོར་བྱུང་ཆེད་དང་མུ་མཐུད་ནས་བོད་ས་ཕྱོགས་སོ་སོའི་སྐད་ཡིག་གི་ཡུལ་ཁྲིམས་དང་ཁྲིམས་བཟོའི་ཆུ་ཚད་སོགས་སྤུས་ལེགས་གཏོང་བའི་ཐད་ལ་བློ་དང་བཀོད་པ་བསམ་ཚུལ་སོགས་གནང་བའི་ཆེད་དུ་སྤེལ་བ་ཡིན། ཕྱོགས་མང་བོ་ཞིག་ནས་ང་ཚོའི་ཡུལ་ཁྲིམས་དེ་ས་གནས་ཁྲིམས་བཟོ་བ་དང་ས་གནས་སྲིད་གཞུང་སོགས་ཀྱིས་རྒྱལ་ཁབ་ཀྱི་སྤྱི་ཁྲིམས་ལ་ཁ་གཡར་ནས་ཐོ་འཚམས་བྱས་དང་བྱེད་བཞིན་པའི་གནས་ཚུལ་ལ་ཁྲིམས་དང་མཐུན་པར་གདོང་ལེན་བྱེད་སྟངས་ཀྱི་སྐོར་ལ་དོ་སྣང་བྱེད་དགོས།