གྲོང་ཚོའམ་སྡེ་དམངས་ལྷན་ཁང་དང་སྡེ་དཔོན་གྱི་ཐོབ་ཐང་། (སྒྲ།)
རྒྱལ་ཁབ་ཁ་བྲལ་དང་དེར་སྐུལ་སློང་གི་ཉེས་སྤྱོད་ཀྱི་དབྱེ་ཞིབ།
རྒྱལ་ཁབ་ཁ་བྲལ་ལ་སྐུལ་སློང་བྱས་པའི་ཉེས་སྤྱོད་ཅེས་པ་ནི། ཉེས་ཁྲིམས་ཀྱི་དོན་ཚན་༡༠༣་ནང། རྒྱལ་ཁབ་ཁ་བྲལ་བའི་ལས་གཞི་རྩ་འཛུགས་དང་། ཇུས་འགོད། ལག་བསྟར་བཅས་ཀྱི་སྦྱོར་བ་བཤམས་ཏེ་རྒྱལ་ཁབ་གཅིག་གྱུར་ལ་གནོད་པ་བསྐྱལ་བ་དང་། ལས་འགུལ་དང་ཚོགས་པ་དེ་རིགས་ལ་རྒྱུན་ཏུ་ཞུགས་པ་བཅས་ནི་ཉེས་སྤྱོད་དེའི་རྣམ་པ་ཡིན། ལས་འགུལ་དང་ཚོགས་པ་དེ་རིགས་རྩ་འཛུགས་བྱེད་མཁན་དང་ཡང་ན་ཉེས་སྤྱོད་ཚབས་ཆེན་གྱི་གཏེ་བོ་གཙོ་བོར་ཚེ་བཙོན་ནམ་ལོ་བཅུའི་ཡན་གྱི་བཙོན་འཇུག་གི་ཉེས་ཆད་གཅོད་དགོས་ཤིང་།
ཆང་གིས་བཟི་ནའང་ཉེས་འགན་ཁུར་དགོས།
ཉེ་ཆར་༼ནུ་མོ་ལགས། ཁྱོད་རང་བདེ་བར་བཞུད་ཅིག་༽ཅེས་པའི་དྲ་ཐོག་ན་བསྐུར་བཞིན་པའི་རྩོམ་ཐུང་ཡིད་འགུལ་ཐེབས་པ་ཞིག་བཀླགས་ཤིང་། གྲོགས་ཤིག་གིས་དེའི་སྐོར་ལ་ཁྲིམས་ལུགས་ཐད་ནས་རྩོམ་ཞིག་འབྲི་རོགས་ཞེས་ཀྱང་སྐུལ་མ་བཏང་བྱུང་། དེང་སང་ཆང་རག་དང་སྨྱོ་རྫས་ཐ་མག་སོགས་བསྟེན་ཏེ་བཟི་བའམ་སྨྱོས་པའི་སྒོ་ནས་བརྐུ་འཕྲོག་དང་བསད་རྨས་སོགས་ཀྱི་ཉེས་ལྟུང་སྣ་ཚོགས་བསྐྱེད་པའི་གནད་དོན་ཇེ་མང་དུ་འགྲོ་བཞིན་པ་དང་།རང་རིགས་ཕལ་ཆེ་བས་ཀྱང་ཆང་གིས་བཟི་ནས་ཉེས་ལྟུང་སྐྱེད་མཁན་ལ་གུ་ཡངས་གཏོང་དགོས་པར་བརྗོད་པའམ་དེ་ལ་འགེབ་སྲུང་བྱེད་པ་སོགས་ཀྱི་ཉེས་ཅན་རྒྱ་ཡན་ཏུ་བཏང་དང་གཏོང་བཞིན་པའི་ལུགས་སྲོལ་ངན་པ་ཞིག་དར་བཞིན་པས་ན། ཉེས་ཁྲིམས་སུ་ཆང་གིས་བཟི་ནས་ཉེས་བྱས་སྐྱེད་ན་འགན་ཅི་ཞིག་འཁུར་དགོས་མིན་སྐོར་དང་དེ་ལས་འཕྲོས་པའི་ཉེས་ལྟུང་གི་གནད་དོན་གཞན་ཁག་ཅིག་བཅས་ཉུང་བསྡུས་ཤིག་བརྗོད་པར་བྱ།
བོད་རིགས་སློབ་ཆེན་སློབ་མས་ཁྲིམས་ལུགས་ཤེས་དགོས་པའི་རྒྱུ་མཚན།
—- དབུས་གཙང་གི་སློབ་ཆེན་སློབ་མའི་ཚོགས་པ་ཞིག་ལ་བཤད་པའི་སྐད་ཆ།
བོད་ཀྱི་ཁྲིམས་སྲོལ་སྐོར་གྱི་ལོ་རྒྱུས་ཡིག་ཚགས་སྤྱི་བཤད།
རྩོམ་པ་པོ། རྡོ་སྦིས་ཚེ་རིང་རྒྱལ།
རྩ་ཁྲིམས་ཐད་ཀྱི་བཅར་འདྲི།
འདྲི་མཁན། སྟག་ལྷ་རྒྱལ།
ལན་འདེབས་མཁན། སྒྲོལ་མ་སྐྱབས།
༡ སྤྱིར་བཏང་གི་ཁྲིམས་ཀྱི་གོ་དོན་ནི་ཇི་ཞིག་ཡིན།
ལན། ཁྲིམས་ཟེར་ན་གོ་བ་ལེན་སྟངས་མི་འདྲ་བས་དབང་གིས་དེར་མཚན་ཉིད་འཇོག་སྟངས་ཡང་མི་འདྲ་བ་སྣ་ཚོགས་ཡོང་གི་ཡོད། ཤར་ནུབ་གྱི་རིག་གནས་དང་གནའ་དེང་གི་ལོ་རྒྱུས་ཀྱིས་བསྐལ་བ་ལས་ཁྲིམས་ལ་མཚན་ཉིད་མི་འདྲ་བ་མང་བོ་བཞག་ཡོད་པ་དེ་ནང་གི་ཐུན་མོང་གི་ཁྱད་ཆོས་ཕྱོགས་གཅིག་ཏུ་སྡོམ་ནས་བཤད་ན། ཁྲིམས་ནི་གང་ཟག་གི་སྤྱོད་ལམ་ཚོད་འཛིན་པའི་ཚངས་ཐིགས་ཤིག་ལ་གོ་བ་དང་། ཚངས་ཐིགས་དེ་ཡང་རྒྱལ་ཁབ་ཀྱི་དབང་ཆ་ལ་བརྟེན་ནས་བཟོས་ཤིང་། རྒྱལ་ཁབ་ཀྱི་དབང་དྲག་ཀྱང་ཚངས་ཐིགས་དེའི་རྒྱབ་རྩ་རུ་བསྡད་པ་ཞིག་ཡིན་དགོས། ཁྲིམས་ཀྱི་བརྗོད་བྱ་གཙོ་བོ་ནི་སྤྱི་དམངས་ཀྱི་ཐོབ་ཐང་དང་འོས་འགན་གཙོ་བྱས་ཏེ་བཀོད་ཡོད་པ་དེ་འདྲ་ཞིག་ལ་གོ་དགོས་བར་སྙམ།
ཁྲིམས་སྐྱོང་ཞེས་བ་ཅི་ཞིག་ཡིན།
ཨ་རིན་གྱིས་བསྒྱུར། ནམ་མཁས་མཚམས་སྦྱོར་བྱས།